Баткен мамлекеттик университетинин жетекчиси (ректору) кызматына талапкерлерди каттоо жана алардын документтерин кабыл алуу 2021-жылдын 5-январынан тарта 14-январь саат 17.00гө чейин жүргүзүлөт.
Баткен мамлекеттик университетинин жетекчисинин кызматына талапкерлерди каттоо үчүн уюштуруу комитетине төмөнкү документтер тапшырылат:

• ЖОЖдун окуу жана түзүмдүк бөлүмдөрүнүн мамлекеттик ЖОЖдун жетекчиси кызматына талапкерди көрсөтүү жөнүндө чечими;
• мамлекеттик ЖОЖдун жетекчиси кызматына талапкердин өзүнүн арызы (өзүн-өзү көрсөтүү тартибинде катталган талапкерлер үчүн);
• талапкердин фамилиясы, аты, туулган жылы, иштеген жери, ээлеген кызматы жана жашаган жери көрсөтүлгөн биографиялык маалыматтар;
• “Билим берүү жөнүндө” Кыргыз Республикасынын мыйзамынын 38-беренесине ылайык мамлекеттик ЖОЖдун жетекчиси кызматына талапкерге коюлуучу талапты ырастаган тиешелүү документтер.

 
Арыздар (ага тиркелген документтер) төмөндөгү дарек боюнча кабыл алынат: Баткен ш., И. Жусупов көчөсү, 21, Кадрлар бөлүмү.
Байланыш телефондор: (0779) 81-61-35, (0772) 82-24-71.