Жайкы футболдук танапис аяктап көп өлкөлөрдө Суперкубоктун жеңүүчүлөрү аныкталууда. Түркмөнстандын чемпиону “Алтын асыр” клубу “Копетдаг” клубун 2:0 эсебинде жеңүү менен 5-ирет Суперкубоктун ээси болуп калды.
Германияда болсо “Боруссия” “Бавария” клубун жеңүү менен Суперкубокту алып калды. Француздар быйыл өлкөнүн Суперкубогун Кытайдын Шэньчжэн шаарында уюштурушту. Мында  «Пари Сен-Жермен» - «Ренн” таймашы  -  2:1 эсебинде аяктады. “ПСЖ” Суперкубоктун ээси. Англиядагы атактуу “Уэмбли”стадионунда “Ливерпуль” менен “Манчестер сити” чыныгы таймашты тартуулашты. Оюндун негизги убактысы да кошумча берилген убакыт да жеңүүчүнү аныктай албады. Пенальти тебүүдө 4:5 эсеби катталып “Манчестер сити” Суперкубокту алып кетти. (АЖ)