Жеңил атлетиканын узундукка үч аттап секирүү түрүнөн Венесуэла Республикасынын 24 жаштагы өкүлү Юлимар Рохас жаңы дүйнөлүк рекорд жаратты. Мадрид шаарында жабык имарат ичинде өткөн эл аралык турнирде Юлимар Рохас 15,43 метр аралыкка секирди. Буга чейинки, 2004-жылдан берки рекорд россиялык Татьяна Лебедовага таандык болуп, анын көрсөткүчү - 15,36 метр болчу. Ал эми ачык абадагы (сыртта) өткөн мелдештердеги рекорд 1995-жылдан бери украиналык Инесса Кравец (15,50 метр) айымга таандык болуп келет. (АЖ)