Эл аралык футбол федерациясы (ФИФА) 2020-жылдын мыктыларын аныктоо үчүн талапкерлердин тизмесин 25-ноябрда жарыялады. Мыкты оюнчу наамына – 11, мыкты дарбазачыга – 6, мыкты машыктыруучу наамына – 5 талапкер катталган. Добуш берүүгө ФИФАга мүчө болгон улуттук курама командалардын башкы машыктыруучулары, команданын капитандары, күйөрмандар жана 200дөн ашык ЖМК каражаттарынын өкүлдөрү онлайн-форматта добуш бере алышат. Добуш берүү 9-декабрда жыйынтыкталат. Мыктыларды сыйлоо аземи 17-декабрда онлайн-режиминде өтөт. (АЖ)