Курс НБ на 07.12.2019 $69,8490 €77,5883

Премьер-министр Сооронбай Жээнбеков: Пенсионерлер жана майыптарга кам көрүү – биздин негизги милдеттерибиздин бирИ

Саясат
03 - Октябрь 2016
www.erkintoo.kg
426

Кыргыз Республикасынын Премьер-министри Сооронбай Жээнбеков 1-октябрда, Эл аралык карылар күнү алкагында Чүй облусунун Ысык-Ата районундагы Нижне-Серафимовка айылындагы карылар жана майыптар үчүн социалдык стационардык мекемеге барды.

Өкмөт башчы мекеменин абалы менен таанышып, турак-жай корпустарын көрүп чыкты. Нижне-Серафимовка айылындагы карылар жана майыптар үчүн социалдык стационардык мекемеси 1956-жылы иштеп баштаган, ал 500 орунга ылайыкталган жана республикадагы ири социалдык стационардык мекеме болуп саналат.

Премьер-министр улуу муунга өлкө өнүгүүсүнө кошкон салымы үчүн ыраазычылык билдирди.

“Өсүп келе жаткан муун сиздердин эмгегиңиздерди, иш тажрыйбаңыздарды эстен чыгарбоосу тийиш. Ошондо гана көч үзүлбөй, өз жолун уланта берет”, – деди Сооронбай Жээнбеков.

Премьер-министр маалымдагандай, 1-октябрдан тарта пенсияларды жогорулатуу боюнча Өкмөттүн токтомуна кол коюлду. Ал Өкмөт тарабынан пенсионерлерге жана мүмкүнчүлүгү чектелген жактарга кам көрүү маселесине тийиштүү көңүл бурулуп жаткандыгын белгиледи.

Сооронбай Жээнбеков карыяларга чың ден-соолук, бакубат жашоо жана узак өмүр тилеп, Өкмөттүн атынан баалуу белектерди тапшырды.

Жыйынтыгында Эл аралык карылар күнүнө арналган майрамдык концерт тартууланды.

Иш-чарага Эмгек жана социалдык өнүктүрүү министри Кудайберген Базарбаев, Саламаттык сактоо министри Талантбек Батыралиев жана Өкмөттүн Чүй облусундагы Ыйгарым укуктуу өкүлү Бактыбек Кудайбергеновдор катышты.


Комментарийлер

Эч бир пикир жарыялана элек

Posting comments after 3 месяца has been disabled.