Курс НБ на 13.08.2020 $78,0000 €92,3520

Премьер-министр: Бишкекте жана Чүй облусунда 70 миң сомго чейин айлык акы менен дарыгерлерди контракттык негизде жумушка тартуу иши башталды

Саясат
08 - Июль 2020
Эркин Тоо
63

Бишкекте жана Чүй облусунда 70 000 сомго чейин айлык акы менен дарыгерлерди контракттык негизде жумушка тартуу иши башталды. Бул тууралуу Кыргыз Республикасынын Премьер-министри Кубатбек Боронов брифинг учурунда билдирди.

«Жумуш орду Бишкек жана Чүй облусунун аймактарындагы ооруга чалдыккандарды дарылоо пункттарында болмокчу. Эмгек акы боюнча кабатыр болбоңуздар. Сиздер айлык акы жана жашаган жер, тамак-аш менен камсыз болосуздар. Бул бардык медицина кызматкерлерине тийиштүү. Аларга айлык акы категорияларына жараша 70 000 сомго чейин төлөнүп берилери каралган», - деп билдирди КР Премьер-министри Кубатбек Боронов. 

Ал медицина кызматкерлеринин айлык акысы өз убагында жана кечиктирбестен төлөнөрүн белгиледи.

«Учурдан пайдаланып, азыркы тапта иштебей отурган дарыгерлерди, медайымдарды жана бардык медицина кызматкерлерине кайрылам. Азыр бизге пульмонолог, терапевт, реаниматолог, кардиолог, инфекционист дарыгерлер өтө керек. Өз ыктыяры менен каалоочулар болсо Саламаттык сактоо министрлигинин кадрлар бөлүмүнө бүгүнкү күндөн тартып кайрылууга болот», - деп кошумчалады ал.



Комментарийлер

Эч бир пикир жарыялана элек

Комментарий кошуу