Кечээ, 18-декабрда Америка Кошмо Штаттарында “Дүйнө сулуусу – 2016” сынагы жыйынтыкталды. Быйыл Пуэрто-Риконун өкүлү 19 жаштагы Стефани Дел Валье дүйнөнүн сулуусу деп табылды.
Биринчи вице-сулуу наамы Доминикан Республикасынын өкүлү Яритза Мигелина Рейес Рамирес, экинчиси - Индонезиялык Наташа Маннуэлага ыйгарылды.  Сынактын алдыңкы жыйырма сулууларынын катарына Австралия, Бельгия, Бразилия, Венгрия, Гана, Доминикан Республикасы, Индия, Индонезия, Кения, Кытай, Корея Республикасы, Кука аралдары, Монголия, Пуэрто-Рико, Словакия, АКШ, Тайланд, Филиппин, Франция жана Япониянын, ал эми бимринчи бештиккке Доминикан Республикасы, Индонезия, Кения,  Пуэрто-Рико жана Филиппиндин өкүлдөрү киришти. Сынакка жалпысынан 117 сулуу катышты. Алардын арасында Кыргызстандан Перизат Расулбек кызы да болду.
Атай АЛТЫМЫШЕВ