Бишкек шаарынын Ленин райондук салык кызматы башкармалыгынын бөлүм башчысы Н.Ш. менен инспектору С.Р. пара талап кылуу фактысы боюнча кармалганын УКМКнын маалымат кызматы кабарлады. Маалыматка ылайык,  аталган  кызматтагы адамдар жеке компаниянын эсепчисинен салыктык текшерүүнүн жыйынтыгын оң жакка чечип берүү үчүн 25 000 АКШ долларын талап кылышкан. Алардын  кабинеттерин тинтүү учурунда жеке компаниянын салык боюнча текшерүүдө көрсөтүлгөн документтерин таап чыккан.
Айнура Шайкеева