Чүй облусунун үч аймагында шайлоо алдында адамдарды жапырт каттоого алууга байланыштуу сотко чейинки өндүрүш башталды. Бул туурасында “Азаттык” радиосуна 24-февралда Башкы прокуратура кабарлады. Маалыматка ылайык, быйыл жыл башынан бери Токмок шаарында 6745 адам каттоого алынды. Текшерүүнүн жыйынтыгында айрымдары үй ээсинин макулдугусуз, тиешелүү документтерсиз туруктуу катталганы аныкталган.