Курс НБ на 18.11.2019 $69,8500 €77,2541

Түркмөнстанда элчи спорт тармагын жетектемей болду

Коом
20 - Сентябрь 2016
www.erkintoo.kg
402

Президент Гурбангулы Бердымухаммедов Спорт боюнча мамлекеттик комитеттин төрагасы Какабай Сеидовду “башка ишке өттү” деген шылтоо менен жумуштан кетирди. Бул тууралуу жергиликтүү ММКлар жазып чыгышты деп маалымдайт Борбордук Азия жаңылыктар кызматы.

Маалыматка таянсак, мамлекеттик спорт комитетинин жаңы башчысы болуп, буга чейин Түркмөнстандын Азербайжандагы элчиси кызматын аркалаган Тойли Комеков дайындалды.

Сеидов мурда эл аралык категориядагы футбол арбитри жана Улуттук спорт жана туризм институтунун кайсы бир факультетинин деканы болуп, Түркмөнстандын спорт комитетин 2014-жылдын сентябрынан бери жетектеп келген.

Түркмөнстан курамасы Рио-де-Жанейродогу ХХХI жайкы Олимп оюндарында ийгиликсиз кайткан. Буга нааразы болгон Бердымухаммедов спортчуларды жемелеп, бул максатта Түркмөнстандан көп акча короткон өлкө жок экенин айткан.

Какабай Сеидовго катуу сөгүш жарыяланып, эгер ал кыска мөөнөттө кемчиликтерди жойбосо иштен айдалары эскертилген.



Комментарийлер

Эч бир пикир жарыялана элек

Posting comments after 3 месяца has been disabled.