Курс НБ на 15.11.2019 $69,8500 €76,9922

Ашхабадда баасы $2 миллиарддан ашкан жаңы аба майдан ачылды

Дүйнө
19 - Сентябрь 2016
www.erkintoo.kg
487

Баасы эки миллиард доллардан ашкан эл аралык жаңы аба майдан ишемби күнү Түркмөнстан борбору Ашхабадда ачылды деп маалымдайт Борбордук Азия жаңылыктар кызматы.
Аба майдандын ачылышына өлкө президенти Гурбангулы Бердымухамедов катышып, эң заманбап аэронавигациялык техника менен жабдылган жаңы аба майдан континенталдык жана континенттер аралык соода-экономикалык байланыштардын өнүгүүсүнө мүмкүндүк берерин айтты.

Ачылыш аземинде жаңы аба майдан дүйнөдөгү эң чоң архитектуралык оймосу үчүн Гиннесс китебинен сертификат алды. Аба майдандын негизги жүргүнчүлөр терминалынын чатырында жайгашкан ал орнаменттин аянты 705 чарчы метрди түзөт.

Түркмөнстан борборундагы жаңы аба майданды «Плимекс» түрк компаниясы курду. Буга чейин ал Олимпиада кыштакчасы, Түркмөнбашынын алтын эстелиги, Ашхабад телемунарасы жана Эл аралык Түркмөнбашы аба майданы (мурдагы Красноводск) өңдүү объектилерди салган.

Полимекстин сайтындагы маалыматка ылайык, аба майдан курулушуна 2,2 млрд $ каражат жумшалган.



Комментарийлер

Эч бир пикир жарыялана элек

Posting comments after 3 месяца has been disabled.