ӨКМдин кызматкерлери Өзбекстандын Анжиян облусунун аймагында жайгашкан Барак эксклавынан кыргыздардын жүктөрүн алып чыгышты. Мындай маалыматты ӨКМ  билдирди. Маалыматка караганда, 11-январдан 13-январга чейин Кара-Суу районунун Ак-Таш айыл аймагынын Барак эксклавынан жергиликтүү тургундар өндүргөн дан азыктарын жана курулуш материалдарын алып чыгуу зарылчылыгы жаралган. Ага  ӨКМдин райондук бөлүмүнүн башчысы жетектеген топ жана беш унаа жөнөтүлгөн. Алар 11-январда саат 21:00дө Барак эксклавына жетип, бүгүн  саат 07:30да жолго чыгышкан.